شخصيات تيمية

اه طبعا و لا يهمك شوفى المنتدى و الصور تحت امرك و اختيارك للصورة رائع انا بحب الصورة دى اوى

معلش كلامى كتير بس يمكن لان مشوار الفنان تيم حسن مشوار قوى و ثرى جدا

اثر فيا التغريبة الفلسطينية جداااااااااااااااا و شفته كتير اوى بالرغم انى مكنتش فاهمة اللهجة فى الاول بس بعد كدة من كتر اعجابى بيه و تاثرى حفظت الحوارات و طبعا يا جماعة اما نتكلم عن الاعمال دى لازم طبعا نذكر ان المخرج حاتم على مخرج الروائع و ان الدكتور وليد سيف رائع جدااااااااااو انهم مبهرين بصراحة و تيم كان فى اقوى ادواره اما اشتغل معاهم

مسلسل نزار قبانى و صوت تيم حسن و هو بيلقى القصائد بيخلينى اعيش فى حالة من الرومانسية بيخلينى اهرب من الواقع الصعب اللى مفيهوش حب و لا رومانسية لمدة ساعة الا ربع وقت الحلقة

عرفتى ليه انا محتارة كلها ادوار رائعة حتى الادوار الصغيرة فى بداية مشواره الفنى حبيتها جدا

اقدر اقول اهم اعمال و اقوى اعمال من وجهة نظرى هى الملك فاروق و ربيع قرطبه و نزار قبانى و التغريبة الفلسطينية

اما بالنسبة للعمل اللى كنت عايزه اشوفه فيه كنت قريت قبل كدة عن مسلسل عن الشاعر محمود درويش و قريت انه كان مرشح و الله اعلم و قام بيه الفنان فراس ابراهيم و اتمنيت انه يعمل الدور ده لانى بحب دور الشاعر دايما بيكون رومانسى و لطيف و لايق على تيم و ملامحه الرقيقة و عذوبة صوته جايز يكون ده من تأثير نزار قبانى بس طبعا الخيرة فيما اختاره الله

فرحت كمان من فترة قريبة انه مرشح لدور طلعت حرب لانى عارفة انها شخصية عظيمة و ليها انجازات كتير و بالرغم من كدة ناس كتير متعرفش عن طلعت حرب و انجازاته عشان كدة لو قام بالدور تيم حيعمل احياء لذكرى طلعت حرب اللى هو شخصية كانت ايجابية و ليها انجازات و حيحبب الناس فيه زى ما الناس حبت الملك فاروق على الرغم من انه شخصية سياسية ليها اخطاء كبيرة

و عن امنياتى للفنان تيم حسن
عايزة بقى اشوف افلام سينما حلوة زى ميكانو
السينما فى مصر محتاجة نجم وسيم له كاريزما زى تيم
احنا مفتقدين الرومانسية لو الحب مش موجود فى الحياة نشوفه فى الافلام و الامر لله

تعبنا من الاكشن و من افلام الشعبية و الحارات و العشوائيات
الحياة نفسها كل يوم بقت فيلم اكشن و رعب و العشوائيات و الحارات شايفنها فى كل مكان طيب يا ريت حتى يقدموها بشكل كويس بشكل مقبول الناس مش ناقصة و الله
طبعا الجو العام مسيطر و له تأثير على السينما و ربنا يصلح الحال
و اتمنى التوفيق و النجاح للفنان تيم حسن فى كل اختياراته
و دى ارائى المتواضعة و امنياتى و شكرا ليكى

شكرا على الموضوع احب اقول ان اعماله مع حاتم على و وليد سيف هى الاقوى و الافضل و اعماله بشكل عام رائعة و احب اشوف سقوط غرناطة ان شاء الله قريب و طبعا منتظرة الصقر شاهين

حجاوبك على سؤالك اللى اعرفه ان مسلسلات حاتم على معتمدة على التسلسل التاريخى يعنى صقر قريش اللى هو عبد الرحمن الداخل ده جه بعده ربيع قرطبه و بعد قرطبه ملوك الطوائف و بعد ملوك الطوائف تبعا للتسلسل التاريخى يكون سقوط غرناطة فكان من المقرر انهم يعملوه و ربنا يسهل