كتب الفنان تيم حسن فى صفحته على موقع facebook ابيات بعنوان الاخلاق لاحمد فؤاد نجم
مناعه ارزاق ...جلابة ارزاء...يا سخامه يا لطامه...ياللى اسمك اخلاق
ازيك وايش حالك ..ايه اخر الانباء
دبحوكي ؟..سلخوكي ؟..خلوكي اشلاء
ما انا قايل وسمعتي..بس انتي الي طمعتي
فى بلدنا يعزوكي...مسكوكي دقوكي..بدماغ الدقماق
بالقاضيه الفنيه..صرعوكي السجانه..حبسوكي فى قضيه
مرفوضه وخسرانه..والتهمه الجنائيه
اكمنك انسانه..وخدوكي الشرطيه
وعساكر هجانه
وابولكنه فرنساوي..طبال ومغناوي..بيغني اشتراكاوي..والعالم طرشان
ه
وابو عسكر حرميه..بيبرطع فى تكيه..ويقول اشتركيه ..والناس لسه جعانه
يا هبيله يا فضيله..يابتاعه المهابيل
بلا وكسه..بلانيله..بلا هفه مخاليل
دي بلدنا..ولا حولا..ما بقاش فيها علاوله..وعوضنا على المولى
فى ولادنا الشماليل..يادينا ورجلينا
اسسنا وعلينا..وعملنا اللى علينا
جيل يطلع ورا جيل..ويقول ابنوا لبكره..والبني ادم ذكرى
نتحمس للفكرة..من كتر التطبيل
واخيرا ولا اخر..اخلاقنا بتتاجر
ومهازل
ومساخر
وهزيمه
وتضليل.
* الأخلاق
أحمد فؤاد نجم